Կիպրոսի՝ թուրքերի կողմից բռնազավթված հատվածի հայկական եկեղեցում շուրջ 5 տասնամյակ անց կրկին պատարագ է մատուցվել։
Հայկական եկեղեցին Կիպրոսի բաժանումից հետո մնացել էր Նիկոսիայի թուրքական հատվածում և անգործության էր մատնվել։ Տասնամյակներ անց եկեղեցում կրկին պատարագ է մատուցվել, իսկ 500 հավատացյալ մասնակցել է ծիսակատարությանը, որն անցկացրել է Վարուժան արքեպիսկոպոս Հերգելյանը։ Հայերը հունական հատվածից ոտքով անցել են Նիկոսիայի՝ թուրքական վերահսկողության հատված, որտեղ էլ հայկական եկեղեցին է։
Ծիսական արարողությանը մասնակցել է նաև Կիպրոսի հարցով ՄԱԿ-ի հատուկ ներկայացուցիչ Լիսա Բութենհեյմը, տեղի մզկիթներից մեկի իմամ Շևքեթ Ալեմդարն ու այլք։
Նշենք, որ Թուրքիան 1974 թվականից բռնազավթել է Կիպրոսի հյուսիսային հատվածը, որը ստացել է «Հյուսիսային Կիպրոսի Թուրքական Հանրապետություն» անվանումը, իսկ այն ճանաչված է միայն Անկարայի կողմից։ Ներկայում Թուրքիան Կիպրոսի հյուսիսում պահում է մեծաքանակ զինված ուժեր, որոնք թեև պայմանականորեն պատկանում են ՀԿԹՀ-ին, սակայն իրականում հենց Թուրքիայի զինված ուժերի մի մասն են։
Աղբյուր՝ Թուրքագիտական պորտալ
AllTurkey.am
Leave a Reply