Թուրքիայում լույս է տեսել Հայոց ցեղասպանության 50-ամյակի մասին պատմող գիրք

Թուրքիայում լույս է տեսել գիրք, որում տեղ են գտել 1965 թվականի իրադարձությունները, երբ զանգվածաբար հիշատակվեց Հայոց ցեղասպանության 50-ամյակը, տեղեկացնում է «Բիանեթը»։

«1965» անունը կրող և թուրքերենով գրված գրքում մեծ տեղ է հատկացվել թուրքական մամուլում 1965 թվականին Հայոց ցեղասպանության վերաբերյալ զարգացումների անդրադարձին։ Գրքում ներկայացված է, թե ինչպես են նշել Ցեղասպանության 50-ամյակն աշխարհի տարբեր ծայրերում, և ինչպես է ներկայացրել այդ ամենը թուրքական մամուլը։

Գրքի հեղինակներն են լրագրողներ Արիս Նալջըն ու Սերդար Քորուջուն։ Գիրքը հրատարակվել է Հայկական մշակութային հրատարակչության կողմից։ Այն առաջիկայում վաճառքի է հանվելու Թուրքիայի տարածքում։ Գրքի շապիկին գրված է «1965. 2015-ից 50 տարի առաջ, 1915-ից 50 տարի հետո»։

http://haynews.am/hy/1399893711