Թուրքական «Հյուրիյեթը» անդրադարձել է Ֆրանսիայի նախագահ Ֆրանսուա Օլանդի Հայաստան կատարած այցին: Մասնավորապես նրանց ուշադրությունը գրավել է Օլանդի այցը Հայոց ցեղասպանության հուշահամալիր և դրան հաջորդած հայտարարությունը, որը, ըստ «Հյուրիյեթի» ուղղված էր Թուրքիային:
Օլանդը, չանդրադառնալով ցեղասպանության ժխտման դատապարտման օրինագծին, ասել է. «Ժխտումը անարգանք է զոհերի և ճշմարտության նկատմամբ: Ոչ մի դուռ չի կարող բաց լինել ժխտման առաջ: Աշխարհի բոլոր վայրերում ցեղասպանության ճանաչմանն ուղղված նախաձեռնություններ կան: Ճանաչումը չի բաժանում, այն միավորում է»:
«Հյուրիյեթը» հիշեցրել է նաև, որ Ֆրանսուա Օլանդը 2015 թվականի ապրիլի 24-ին Հայոց ցեղասպանության 100-ամյա տարելիցի առիթով կրկին կայցելի Երևան:
Leave a Reply