Թուրքիայում ամենաերիտասարդ կին քաղաքապետը դատապարտվել է 4 տարի ազատազրկման

Թուրքիայում 2014-ի մարտի 30-ի ՏԻՄ ընտրությունների արդյունքում Դիարբեքիրի Լիջեի քաղաքապետ ընտրված 25-ամյա Ռեզան Զուղուրլին դատարանի կողմից դատապարտվել է 4 տարի 2 ամիս ազատազրկման։

Թուրքական Radıkal-ի փոխանցմամբ՝ Ռեզան Զուղուրլին դեռեւս 2010 եւ 2011 թվականներին 3 տարբեր բողոքի գործողությունների է մասնացել, որից հետո Դիարբեքիրի դատախազությունը նրա դեմ գործ է հարուցել՝ PKK-ի (Քուրդիստանի բանվորական կուսակցություն) անդամ չլինելով հանդերձ այդ կառույցի անունից հանցանք գործելու մեղադրանքով։ Մեղադրող կողմը Ռեզանի համար պահանջել է մինչեւ 35 տարի ազատազրկում, սակայն դատարանում նրա դեմ մեղադրանքների մի մասը չի հաստատվել։

Դատավարության ավարտին Դիարբեքիրի ծանր հանցագործությունների գործերով 2-րդ դատարանը  Թուրքիայի ամենաերիտասարդ քաղաքապետին դատապարտել է 4 տարի 2 ամիս ազատազրկման։ 

http://news.am/arm/news/208096.html