Մեր վարչական կազմի բոլոր անդամների անունից, ողջունում եմ «Քահանայապետական Լեւոնեան հայոց կոլէջ»-ը եւ ձեր ողջ համայնքի հաւատացեալներին, որ հաւաքւած էք աղօթքով նշելու Հայոց Ցեղասպանութեան 99-րդ տարելիցը: Վստահ եմ, որ պիտ կարողանամ ձեզ համար մեկնաբանել՝ բացայայտել Հռոմ քաղաքի զգացումը, որ միշտ էլ եղել է եւ ուզում է շարունակաբար լինել յիշատակի մայրաքաղաք:
«Ալիք»-ի խմբագրութիւնը Իտալիայից իրանահայ ճրտ. Վահէ Վարդանեանի միջոցով գրաւոր կերպով տեղեկանում է, որ Հռոմի քաղաքապետ պրն. Ռ. Մարինօն, ապրիլ 24, 2014 թ. իր պաշտօնական ցաւակցութիւնն է յղել հայութեան՝ յայտնելով իր խորին համակրանքը մեր ժողովրդին եւ յարգանքը՝ Նահատակների յիշատակին:
Մեր սիրելի ընթերցողների ուշադրութեանն ենք յանձնում սոյն վշտակցագիր նիւթը՝ իտալերէնից թարգմանաբար-.
Կամպիտոլիօ, 24 ապրիլի 2014 թ.
Գերյարգելի Հ. Գէորգ Նորատունկեան,
Մեր վարչական կազմի բոլոր անդամների անունից, ողջունում եմ «Քահանայապետական Լեւոնեան հայոց կոլէջ»-ը եւ ձեր ողջ համայնքի հաւատացեալներին, որ հաւաքւած էք աղօթքով նշելու Հայոց Ցեղասպանութեան 99-րդ տարելիցը: Վստահ եմ, որ պիտ կարողանամ ձեզ համար մեկնաբանել՝ բացայայտել Հռոմ քաղաքի զգացումը, որ միշտ էլ եղել է եւ ուզում է շարունակաբար լինել յիշատակի մայրաքաղաք:
Հայոց ազգի ցեղասպանութիւնը մեծ մի վէրք է եղել մեր քաղաքակրթութեան համար, եւ այն յիշելն աղօթքով եւ պատմական ճշգրիտ վերակառուցմամբ ու տւեալների միջոցով՝ իրենից ներկայացնում է մի հիմնական ուսմունք-սերտողութիւն-վարժութիւն՝ ժողովուրդների միջեւ խաղաղ մի գոյակցութեան համար:
Ձեզ եմ միանում՝ իմ յարգանքի տուրքը մատուցանելու նահատակներին՝ ճանաչողութեան մեծ կամքով, գործով եւ հանապազօրեայ մտածումներով, որպէսզի այսպիսի՝ նման ողբերգութիւններ էլ բնաւ, երբեք չկրկնւեն եւ կարողանանք թէ՛ մեր, եւ թէ՛ որդիների համար նայել ապագային:
Այսպիսով միայն պիտի կարողանայ շարունակւել եւ համայն մարդկութեան առաջնակարգ բարիքը լինել՝ խաղաղութեան համաշխարհային արժէքը:
Իմ խորին զացումներով եւ իմ ջերմ ողջոյններով:
Պրոֆ. ԻՆԻԱՑԻՕ Ռ. ՄԱՐԻՆՕ
(Հռոմի քաղաքապետ)
Alikonline.ir
Leave a Reply