Ծրագրում բանախօսական ելոյթ ունեցաւ դոկտ. Կարէն Խանլարեանը, ով պատմական փաստերով մատնանշեց Օսմանական Թուրքիայի կողմից ծրագրւած եւ իրականացւած Հայոց Ցեղասպանութիւնը եւ նոյն երկրի հերթական կառավարութիւնների կողմից մինչեւ այսօր Ցեղասպանութեան իրողութիւնը ժխտող քաղաքականութիւնը, իսկ շարունակութեան մէջ կարեւորութեամբ անդրադարձաւ նաեւ Իրանի Իսլամական Հանրապետութեան ժամանակի պետական այրերի կողմից Հայոց Ցեղասպանութեան ճանաչման եւ դատապարտման խնդրին:
Հայոց Ցեղասպանութեան 99-րդ տարելիցի ոգեկոչման Նոր Ջուղայի յանձնախմբի կազմակերպած միջոցառումների շարանում երէկ՝ մայիսի 4-ի երեկոյեան ժամը 7:30-ին, հայոց ազգային կրթահամալիրի «Ալենուշ Տէրեան» սրահում, տեղի ունեցաւ ամենամեայ բանախօսական-գեղարւեստական ձեռնարկը՝ պարսիկ հայրենակիցների համար, որին ներկայ էին՝ Իրանի Իսլ. խորհրդարանում Թեհրանի եւ հիւսիսային իրանահայութեան պատգամաւոր՝ դոկտ. Կարէն Խանլարեանը, Սպահանի հայոց թեմի ազգային մարմինների եւ շրջանի Հայ Դատի յանձնախմբի ներկայացուցիչներ, Սպահան քաղաքի 5-րդ շրջանի քաղաքապետ ճարտ. Ասարզադեգանը, Սպահանի Պետական համալսարանի Միջազգային յարաբերութիւնների բաժնի վարիչ դոկտ. Շահինը, համալսարանի դասախօս եւ հայկական մշակոյթի հարցերի գիտակ դոկտ. Հոջաթոլհաղէ Հոսէյնին եւ այլ պարսիկ հրաւիրեալներ:
Ծրագրում բանախօսական ելոյթ ունեցաւ դոկտ. Կարէն Խանլարեանը, ով պատմական փաստերով մատնանշեց Օսմանական Թուրքիայի կողմից ծրագրւած եւ իրականացւած Հայոց Ցեղասպանութիւնը եւ նոյն երկրի հերթական կառավարութիւնների կողմից մինչեւ այսօր Ցեղասպանութեան իրողութիւնը ժխտող քաղաքականութիւնը, իսկ շարունակութեան մէջ կարեւորութեամբ անդրադարձաւ նաեւ Իրանի Իսլամական Հանրապետութեան ժամանակի պետական այրերի կողմից Հայոց Ցեղասպանութեան ճանաչման եւ դատապարտման խնդրին: Այնուհետեւ արտայայտւեց նաեւ դոկտ. Հոջաթոլհաղէ Հոսէյնին, որը դատապարտելով 99 տարի առաջ Արեւմտահայաստանի հայութեան նկատմամբ կիրառւած Ցեղասպանութիւնը, կոչ արեց համաշխարհային շարժում առաջացնել նման անմարդկային արարքների կանխարգելման համար:
Երեկոյի գեղարւեստական բաժնում ներկայացւեցին «راه غربت» վէպից բաժիններ, որտեղ խօսքը ունկնդրի համար աւելի տպաւորիչ դարձաւ ծրագրում ներառւած համապատասխան երգերի եւ երաժշտական կատարումների, Հայոց Ցեղասպանութեանը նւիրւած ֆիլմերից հատւածների եւ պատկերների ներկայացումով:
Մանրամասնութիւնները՝ հետագայում:
Թղթակից
(Նոր Ջուղա)
Լուսանկարիչ՝ Գեւիկ Խաչատրեան
Alikonline.ir
Leave a Reply