Անկարայում հարգել են Հայոց ցեղասպանության զոհերի հիշատակը

Անկարայում հարգել են 1915թ. Հայոց ցեղասպանության զոհերի հիշատակը, տեղեկացնում է Hye Tert-ը։

Թուրքիայի մայրաքաղաքում միջոցառումը տեղի է ունեցել Մարդու իրավունքների հուշարձանի մոտ։ Անկարայի մտքի ազատության շարժումը, Մարդու իրավունքների միությունն ու այլ կազմակերպություններ հուշարձանի մոտ կարդացել են Անկարայում բնակված և Ցեղասպանության ենթարկված հայ մտավորականների անունները։
Ավելի ուշ հայերենով և թուրքերենով ընթերցվել է մամուլի հաղորդագրությունը։
Հաղորդագրության մեջ Թուրքիայի կառավարությանը կոչ են արել ճանաչել Հայոց ցեղասպանությունն ու նշվել է, որ այն շարունակվում է նաև այսօր։

Հաղորդագրության հեղինակները հիշեցրել են Հրանտի Դինքի, զինծառայող Սևակ Շահին Բալըքչըի սպանությունները, ինչպես նաև` Թուրքիայի օժանդակությամբ Սիրիայի Քեսաբ հայաբնակ ավանի վրա տեղի ունեցած վերջին հարձակումը։

http://www.tert.am/am/news/2014/04/26/ankara-genocide/