Ֆրանսուա Օլանդը խոստացել է Հայոց ցեղասպանության 100-ամյակին լինել Երևանում

Ֆրանսիայի նախագահ Ֆրանսուա Օլանդը քննադատել է Թուրքիայի վարչապետ Ռեջեփ Թայիփ Էրդողանի՝ հայերին ուղղված ցավակցական ուղերձը և այն անբավարար է համարել, տեղեկացնում է թուրքական Sondakika կայքը։

Նախագահ Օլանդը Փարիզում մասնակցել է հայ համայնքի կազմակերպած՝ Հայոց ցեղասպանության անմեղ զոհերի հիշատակի միջոցառմանը։ 2003թ. կանգնեցված Կոմիտասի արձանի մոտ ելույթ ունեցած Օլանդը ցավակցել է ցեղասպանության զոհերի հարազատներին։

Նա նշել է, որ Ցեղասպանության 100-ամյակին նվիրված միջոցառումներին մասնակցելու համար 2015թ. ապրիլի 24-ին մեկնելու է Երևան։
Ֆրանսիացի նախագահն անդրադարձել է նաև Էրդողանի հայտարարությանն ու այն քիչ համարել։

Հիշեցնենք, որ Թուրքիայի վարչապետ Ռեջեփ Թայիփ Էրդողանը Հայոց ցեղասպանության առնչությամբ պատմության մեջ առաջին անգամ հայտարարությամբ էր հանդես եկել։ Նա ցավակցություններ էր հղել Օսմանյան կայսրության տարածքում սպանված հայերի ժառանգներին և զոհերի հոգիներին հանգստություն մաղթել։

http://www.tert.am/am/news/2014/04/25/hollande-2015/