Թուրքիայի քրդական Խաղաղություն և ժողովրդավարություն կուսակցությունը, որոշում կայացնելով միանալ Ժողովուրդների դեմոկրատական կուսակցությանը, կուսակցական իր վերջին ժողովն է անցկացրել, որի ժամանակ ելույթ է ունեցել կուսակցության համանախագահ Սելահաթթին Դեմիրթաշը: Վերջինս իր ելույթում հիշել է նաև Հայոց ցեղասպանության 99-րդ տարելիցի մասին: «Երկու օր անց՝ ապրիլի 24-ն է, այն օրը, երբ սկսվեց Հայոց ցեղասպանությունը: Հայ մտավորականները մահվան ուղարկվեցին Սիրիայի անապատներ: Դա համընդհանուր ցեղասպանության ծրագրի սկիզբն էր: Ահա այդ օրից 99 տարի է անցել: Սակայն մենք դեռևս ապրում ենք այնպիսի օրերում, երբ միասնական հայրենիքից ստեղծելու փորձեր կատարելու միջավայրում հայ ասելով ընկալում ենք որպես նվաստացում: Թուրքիայում ոչ մահմեդականները ընդունվել են որպես փոքրամասնություն, սակայն նրանք մարդկային վերաբերմունք չեն կարողացել տեսնել: Մենք չենք կարող այնպես մեզ պահել, իբր այդ երևույթներից և ոչ մեկը գոյություն չունի: Մենք չենք կարող անտեսել ճնշված ժողովուրդների նկատմամբ անարդարությունը: Կառավարությունը դեռևս չի յուրացրել ոչ մահմեդականների նկատմամբ խտրականության կանխարգելմանն ուղղված քաղաքականությունը: Արդյո՞ք նրանց մարդ չհամարելու, թե՞ իթթիհատական մտածելակերպից ազատվել չկարողանալու համար: Սրանց հետ առերեսման ժամանակը եկել է: Այստեղից ուզում եմ նշել, որ մենք կիսում ենք ողջ հայ ժողովրդի վիշտը»,-հայտարարել է Դեմիրթաշը:
Ankakh.com
Leave a Reply