Հայտնի է, որ Ստամբուլի նահանգապետարանը Գեզի զբոսայգու դեպքերից հետո արգելել էր Թաքսիմի հրապարակում որևէ ցույց կամ միջոցառում անցկացնել: Նախորդ շաբաթ Ստամբուլի նահանգապետարանն ու Անվտանգության տնօրինությունը «Ոչ ասա խտրականությանն ու ռասիզմին» միության և Մարդու իրավունքների միության պատվիրակությանը չէր թույլատրել անցկացնել ապրիլ 24-յան անմեղ զոհերի հիշատակման արարողությունը, որն արդեն 4 տարի է` անց է կացվում Թաքսիմի հրապարակում:
Սակայն «Ոչ ասա խտրականությանն ու ռասիզմին» միության խոսնակ Լևենթ Շենսևերը հայտնեց, որ Ստամբուլի նահանգապետարանն արտոնել է անցկացնել ոգեկոչման միջոցառում:
Ապրլիլ 24-յան ոգեկոչման միջոցառումներն այս տարի մեկնարկելու են առավոտյան ժ. 10-ին Հայդարփաշա նավամատույցից, որտեղից աքսորի են ուղարկել հայ մտավորականներին: Միջոցառման կազմակերպիչները հանդես են գալու մամլո ասուլիսով: Այնուհետև ժ. 13:00 այցելելու են Շիշլիի գերեզմանատուն` հարգանքի տուրք մատուցելու Սևակ Շահին Բալըքչըին, ով երեք տարի առաջ` ապրիլի 24-ին, սպանվեց բանակում: Միջոցառումների շարքն ավարտվելու է ժ. 19:15` Թաքսիմի հրապարակում ցեղասպանության անմեղ զոհերի ոգեկոչման արարողությամբ:
Անահիտ Քարտաշյան/Ստամբուլ
Akunq.net
Leave a Reply