Կվերաբացվի Շապին Գարահիսարի Սուրբ Աստվածածին եկեղեցին

Թուրքիայի տարածքում մնացած երկրորդ խոշոր վանքը համարվող Գիրեսունի (Շապին Գարահիսար) Սուրբ Աստվածածինը կվերակառուցվի և կբացվի՝ զբոսաշրջությունը զարգացնելու նպատակով։

Ինչպես տեղեկացնում է թուրքական Sabah օրաթերթի կայքը, Գիրեսուն նահանգի Մշակույթի և զբոսաշրջության վարչությունը լրագրողներին տեղեկություն է տվել վանքի վերակառուցման աշխատանքների մասին։
Վերակառուցման նպատակն այն զբոսաշրջիկների համար հետաքրքիր վայր դարձնելն է։
Գիրեսունի թանգարանի տնօրեն Հոլուսի Քիլեչը տեղեկացրել է, որ Շապին Գարահիսարում վերակառուցման սպասող այլ եկեղեցիներ ևս կան։
«Վանքը ներկայացնում ենք Թուրքիայի ճարտարագիտական շրջանակներին։ Զբոսաշրջային կենտրոններին և տուրօպերատորներին ևս տեղյակ ենք պահելու, որ նահանգում այդքան կարևոր նշանակություն ունեցող վանական համալիր կա»,- ասել է նա։

http://www.tert.am/am/news/2014/04/22/garahisar-church/