Ֆրանսիացի լրագրողները հեռուստանախագիծ են սկսել Թուրքիայի իսլամացած հայերի մասին

Երկու ֆրանսիացի անկախ լրագրողներ Աննա Բենժամենն ու Գիյոմ Քլերը, արդեն 8 ամիս շարունակ աշխատում են «Թուրքիա. Լռության ժառանգություն. Իսլամացած հայեր» անվանումը կրող վավերագրական ֆիլմի ստեղծման վրա:

Ինչպես գրում է «Nouvelles d’Arménie»-ն, ֆիլմը կպատմի Թուրքիայի քաղաքացիների մասին, որոնք բացահայտում են իրենց հայկական արմատները: Հեղինակների կարծիքով՝ «դժվար է խոսել այդ թեմայով», պատմել ցեղասպանության ժառանգների մոռացված պատմությունը, ներկայացնել 1915-ի իրադարձությունները:

Ֆիլմը պաշտոնապես կներկայացվի 2015-ի ապրիլին, այն կլինի ինետրակտիվ, որտեղ պահանջվելու է հանդիսատեսի մասնակցությունը: Ողջ աշխարհի հայերը կարող են հայտարարություններ տալ՝ գտնելու համար ցեղասպանության հետեւանքով աշխարհասփյուռ եղած իրենց հարազատներին:

«Այժմ մենք նպատակ ունենք այդ ինտերնետ-պլատֆորմը ներկայացնել անգլերեն, հայերեն ու թուրքերեն»,-ասել են հեղինակները:

http://news.am/arm/news/205153.html