Թուրքիայի օրհներգի գործիքավորումը հայ կոմպոզիտոր է արել

Թուրք լրագրող Մուրադ Բարդաքչըն գրում է.   «Եկող շաբաթ լրանում է Թուրքիայի օրհներգի` խորհրդարանի կողմից ընդունման 93-ամյակը:   Օրհներգի վերաբերյալ տարիներ առաջ սկսված բանավեճերը դեռ շարունակվում են, բայց ոչ ոք չի անդրադառնում նրան, թե օրհներգի գործիքավորումը ում է պատկանել: Այն կատարել է Էդգար Մանաս անվամբ հայ կոմպոզիտոր: Էդգար Մանասը ծնվել է Կոստանդնուպոլսում: 1912-1933թթ. դասավանդել է Կ.Պոլսի կոնսերվատորիայում: 1937-ին ղեկավարել է Պոլսի Սբ Մարիամ Աստվածածին եկեղեցու «Գողթան» երգչախումբը: Մահացել է 1964 թ. և հուղարկավորվել Փանգալթըի հայոց կաթոլիկ գերեզմանատանը: Օրհներգի ստեղծման պատմությունը հետևյալն է: 1920 թվականին Թուրքիայի Ազգային մեծ ժողովը օրհներգի մրցույթ հայտարարեց: Սկզբում գրվեցին օրհներգի բառերը, որից հետո մեկ այլ մրցույթ կազմակերպվեց` բառերին համապատասխան երաժշտություն գրելու համար»: 

http://www.yerkir.am/am/news/63943.htm