Վանի Աղթամար կղզում գտնվող հայկական Սուրբ Խաչ եկեղեցում կատարվող վերանորոգման աշխատանքները ավարտին են հասցվել: Հայտնում է թուրքական «Սոնդաքիքա» լրատվական կայքը:
Ըստ աղբյուրի` 2007 թվականին վերանորոգվելուց ու վերաբացվելուց հետո եկեղեցում 2-րդ անգամ են ռեստավրացիոն աշխատանքներ կատարվել: Մասնավորապես վերանորոգվել են պեղումների արդյունքում եկեղեցու դիմացի հատվածում հայտնաբերված մատուռը և խոհանոցը:
Թուրքական աղբյուրների պնդմամբ` այս աշխատանքների վրա ծախսվել է մոտ 1 միլիոն թուրքական լիրա, և օգտագործվել հատուկ Իտալիայից բերված շինանյութ:
Հիշեցնենք, որ Թուրքիայի մշակույթի և զբոսաշրջության նախարարի թույլտվությամբ 2010 թվականից սկսած ամեն տարի, տարին ընդամենը մեկ անգամ Սբ. Խաչ եկեղեցում պատարագ է մատուցվում:
Աղթամար կզղու Սուրբ Խաչ եկեղեցին կառուցել է Վասպուրականի թագավոր Գագիկ Արծրունին 915-921թթ.:
Լուսանկարը` Akunq.net-ի:
Leave a Reply