Իրանի Սպահան քաղաքում բողոքի ակցիա է տեղի ունեցել՝ ի պաշտպանություն Քեսաբի

Իրանի Սպահան քաղաքում հայ երիտասարդներն այսօր բողոքի ակցիա են կազմակերպել ընդդեմ Սիրիայի Քեսաբ հայաբնակ ավանում տեղի ունեցող դեպքերի և դրանում Թուրքիայի ունեցած դերակատարության. այդ մասին Tert.am-ին պատմել են ակցիայի մասնակիցները։

Ակցիայի ընթացքում հայերենով և պարսկերենով կոչեր են հնչել, և հիշեցվել է 1915թ. Թուրքիայի իրականացրած ոճրագործությունների մասին։

«Դատապարտելի է Թուրքիայի ոճրագործությունը»՝ գրված է եղել իրանահայ երիտասարդների պարզած պաստառի վրա։

Միջոցառման ավարտին հավաքվածները ծաղիկներ են դրել տեղի Սուրբ Ամենափրկիչ վանքում գտնվող Եղեռնի զոհերի հիշատակին նվիրված հուշարձանի մոտ։

Հիշեցնենք, որ Քեսաբ Թուրքիայի կողմից ներխուժած զինյալները գրավել էին հայաբնակ ավանը։ Քեսաբահայերի մեծ մասը՝ մոտ 600 ընտանիք, տեղափոխվել է Լաթաքիա, իսկ այնտեղ մնացածներին՝ մոտ 23 հոգու, զինյալները տեղափոխել են Թուրքիա։

http://www.tert.am/am/news/2014/04/15/jugha-photos/