Ստամբուլի հնագույն բյուզանդական եկեղեցին վերակառուցել են՝ վերածելով բնակելի տան

Ստամբուլի Վեֆա թաղամասում գտնվող հնագույն բյուզանդական եկեղեցին, որը հետագայում թուրքերը վերածել էին մզկիթի, զոհ է գնացել իշանությունների որոշմանը, որոնք հրաժարվել են պահպանել հին քաղաքի տարածքում տեղակայված շինությունը: Ինչպես գրում է News.ru կայքը՝ միջնադարյան համալիրն անճանաչելիորեն վերակառուցվել է այնտեղ ապաստան գտած ընտանիքների ձեռքով:
Բյուզանդական կառույցը, որն ընդգրկվել է ՅՈՒՆԵՍԿՕ-ի Համաշխարհային ժառանգության ցանկում, գործնականում դադարել է գոյություն ունենալ՝ չնայած այն վերականգնելու նախաձեռնությանը, որն առաջ էր քաշվել 2010-ին:
Ինչպես հաղորդում է թուրքական Hurriyet daily news պարբերականը՝ Radikal օրաթերթին հղումով, հնագույն վանական համալիրի տարածքում բնակություն հաստատած մարդիկ կառույցի ինտերիերը հարմարեցրել են իրենց բնակարանային կենցաղին, ինչի արդյունքում վերացել են շինության պատմական տարրերը:
Ճարտարապետական զարդանախշերը պատվել են ծեփամածիկ նյութով, ներկով կամ պատվել գորգերով: Նախկինում հոգևորականների համար ավանդատուն ծառայած տարածքը պատվել է կերամիկական սալիկներով և «վերածվել» պետքարանaի:
Ուղղափառ եկեղեցին կառուցել է բյուզանդական կայսրը՝ 800 տարի առաջ: Կոստանդնուպոլսի գրավման ժամանակ այն վերածվել է մզկիթի՝ վերանվանվելով սուլթանի դայակ մոլլա Գյուրանիի անունով:

http://www.tert.am/am/news/2014/04/15/istambul-church/