Էրդողանի գլխավոր խորհրդականը նշանակվել է Հայոց ցեղասպանության դեմ պայքարող խմբի ղեկավար

Հայոց ցեղասպանության 100 ամյակին ընդառաջ ԱՄՆ–ի Սենատի արտաքին հարաբերությունների հանձնաժողովը համապատասխան բանաձև է ընդունել: Թուրքական «Turkishny» լրատվական կայքը հայտնում է, որ այդ բանաձևի ընդունումից հետո Թուրքիան սկսել է հակաքայլեր մշակել:

Հայտնի է դարձել, որ Թուրքիայի կառավարությունում ստեղծվել է հատուկ խումբ, որը պետք է ակադեմիական և քաղաքական դաշտում հայկական սփույռքի աշխատանքների դեմ հակագործողություններ ծավալի: Խումբը ղեկավարելու է վարչապետ Ռեջեփ Թայիփ Էրդողանի գլխավոր խորհրդական Իբրահիմ Քալընը: Կառավարությանն առընթեր այդ մարմինը 1915-ի վերաբերյալ «Ինչ է եղել իրականում» թեմայով ամբողջ աշխարհում հանրային քննարկումներ, գիտաժողովներ և հանդիպումներ է կազմակերպելու:

Նշվում է, որ վարչապետ Էրդողանի միջազգային հեղինակությունն այս հարցում կատավելիք աշխատանքներում առավելություն կապահովի:

http://ermenihaber.am/?lang_id=2&menyu_id=3&top_current=167