Թուրք քաղաքական գործիչ. ԱՄՆ-ում հայկական բանաձևի ընդունումը նախազգուշացում է

Թուրքիայի Ժողովրդահանրապետական ընդդիմադիր կուսակցության (ԺՀԿ-CHP) փոխնախագահ Ֆարուք Լողօղլուն ԱՄՆ սենատի արտաքին հարաբերությունների կոմիտեի կողմից Հայոց ցեղասպանության վերաբերյալ բանաձևի ընդունումը որակել է որպես նախազգուշացում:

Լողօղլուն նշելով, որ Հայոց ցեղասպանության վերաբերյալ բանաձևը երկարատև դադարից հետո առաջին անգամ է սենատի հանձնաժողովի կողմից ընդունվում, շեշտել է, որ այն  2 երկրների հարաբերությունների և Հայկական հարցի տեսակետից Թուրքիայի միջազգային վարկանիշի հարցում կարևոր նշանակություն ունի:

«Մինչև հիմա արված հայտարարությունները ցույց են տալիս, որ իշխող Արդարություն և զարգացում կուսակցությունը (ԱԶԿ-AKP) չի հասկացել հարցի լրջությունը: Ակնհայտ է, որ ԱԶԿ-ն 2015-ը անպատրաստ է դիմավորելու»,-ասել է նա և ավելացրել, որ 2015-ը պետք է լինի ոչ թե բախման այլ հաշտության տարի, և ԺՀԿ-ն այդ ուղղությամբ ջանք չի խնայի:

http://ermenihaber.am/?lang_id=2&news_=3&cur_news=1657