Հայաստանի ԱԳ նախարար Էդվարդ Նալբանդյանն արձագանքել է ԱՄՆ Սենատի արտաքին հարաբերությունների հանձնաժողովի կողմից Հայոց ցեղասպանությունը ճանաչող բանաձեւի ընդունմանը: Նախարարի հայտարարությունում ասվում է.
«Մենք ողջունում ենք Միացյալ Նահանգների Սենատի արտաքին հարաբերությունների հանձնաժողովի կողմից Հայոց ցեղասպանությունը ճանաչող թիվ 410 բանաձեւի ընդունումը:
Բարձր ենք գնահատում Սենատի արտաքին հարաբերությունների հանձնաժողովի նախագահ Ռոբերտ Մենենդեսի եւ հանձնաժողովի՝ բանաձեւը սատարած անդամների սկզբունքային դիրքորոշումը։
Հայոց ցեղասպանության 99-րդ տարելիցի նախաշեմին Սենատի հանձնաժողովի կողմից թիվ 410 բանաձեւի ընդունումը կարեւոր քայլ է պատմական ճշմարտության վերականգնման եւ մարդկության դեմ ոճիրների կանխարգելման ճանապարհին»:
Ավելի վաղ NEWS.am-ը հայտնել էր, որ ԱՄՆ-ի Սենատոմ արտաքին հարաբերությունների հանձնաժողովն ապրիլի 10-ին ընդունել է Հայոց ցեղասպանության բանաձեւը, որը կոչ է անում Սենատին հարգել հանցագործության հիշատակը: Բանաձեւն ընդունվել է 12 «կողմ» ձայներով, 5 սենատոր «դեմ» է քվեարկել:
Բանաձեւը նաեւ կոչ է անում նախագահին ապահովել, որպեսզի արտաքին քաղաքականությունն արտացոլի փաստականացված իրողությունները անպատիժ մնացած ցեղասպանության վերաբերյալ:
Leave a Reply