Թուրքիայի ԱԳՆ-ն անդրադարձել է ԱՄՆ Սենատում Հայոց ցեղասպանության վերաբերյալ բանաձևին

Թուրքիայի արտաքին գործերի նախարարությունը քննադատել է Միացյալ Նահանգների Սենատի արտաքին հարաբերությունների հանձնաժողովի՝ Հայոց ցեղասպանության ճանաչման վերաբերյալ որոշումը։

Թուրքիայի ԱԳՆ-ն պաշտոնական հաղորդագրություն է տարածել, որում թուրքական կողմը կրկին փորձ է կատարել Հայոց ցեղասպանությունը ներկայացնել «ընդհանուր ցավ, որն ապրել են Օսմանյան կայսրության բոլոր ազգերն Առաջին աշխարհամարտի տարիներին»։

Հաղորդագրությունում նշվում է նաև, թե այս քայլը կարող է խանգարել Վաշինգթոնի և Անկարայի միջև հարաբերություններին, և այն պետք չէ քաղաքականացնել։

Նշենք, որ Սենատի արտաքին հարաբերությունների հանձնաժողովն ապրիլի 10-ին Հայոց ցեղասպանությունը դատապարտող բանաձևն ընդունել է ձայների 12 «կողմ» և 5 «դեմ» հարաբերությամբ։ Բանաձևը կոչ է անում ԱՄՆ սենատին և նախագահին՝ ամերիկյան արտաքին քաղաքականությամբ աջակցել դեռևս չպատժված ցեղասպանության փաստի հաստատմանը:

AllTurkey.am