Ռուսաստանի զինված ուժերի օդա–տիեզերական պաշտպանության զորքերի պատվիրակությունը Ծիծեռնակաբերդ` Հայոց ցեղասպանության զոհերի հուշարձանային համալիր է այցելել: Այս մասին NEWS.am–ի թղթակցի հետ զրույցում հայտնել է Հայոց ցեղասպանություն թանգարան–ինստիտուտի տնօրեն Հայկ Դեմոյանը:
Նրա խոսքերով, պատվիրակությունը գլխավորել են օդա-տիեզերական պաշտպանության զորքերի հրամանատարի առաջին տեղակալի շտաբի պետ գեներալ-լեյտենանտ Պավել Կուրաչենկոն, ԱՊՀ պաշտպանության նախարարների խորհրդի քարտուղար Ալեքսանդր Սինայսկին եւ ՀԱՊԿ միացյալ շտաբի պետ գեներալ-լեյտենանտ Ալեքսանդր Ստուդենիկինը:
Գեներալ-լեյտենանտ Պավել Կուրաչենկոն ծաղկեպսակ է դրել հուշարձանին: Պատվիրակության անդամները եւս ծաղիկներ են դրել անմար կրակին եւ մեկ րոպե լռությամբ հարգել անցած դարի առաջին ցեղասպանության անմեղ զոհերի հիշատակը:
Leave a Reply