Թուրքայի ռազմական դատախազությունը Սևակ Շահինի սպանությունը գնահատել է ոչ դիտավորյալ

2011թ. ապրիլի 24-ին Թուրքիայի Բաթման նահանգի ժանդարմերիական զորքերում պարտադիր ժամկետային զինծառայության ժամանակ սպանված ազգությամբ հայ Թուրքիայի քաղաքացի Սևակ Շահին Բալըքչըի գործով դատավարությունում նոր զարգացումներ են տեղի ունեցել:

Սևակի սպանության գործը քննող Դիարբեքիրի ռազմաօդային ուժերի ռազմական դատարանը 2013-ի մարտի 26-ին կայացրել էր վճիռ, որով Սևակին սպանած ծառայակից Քըվանչ Աղաօղլուին դատապարտել էր 4 տարի 5 ամիս 10 օր ժամկետով ազատազրկման: Դատավճռի հրապարակումից հետո կողմերի փաստաբանները բողոքարկող հայց էին ներկայացրել ռազմական գերագույն դատարան, որն էլ այդ գործով նյութերն ուղարկել էր ռազմական դատախազություն:  

Թուրքական «Մայնեթ» լրատվական կայքի տեղեկացմամբ` Սևակի սպանության գործն ուսումնասիրած Ռազմական գլխավոր դատախազությունը սպանության կատարման մեջ դիտավորություն չի արձանագրել և անբավարար է համարել այն փաստերը, որոնք ապացուցում են սպանության դիտավորությունը:

http://ermenihaber.am/?lang_id=2&news_=9&cur_news=448