Մարմարա օրաթերթը կապ է հաստատել Վագըֆ գյուղի Ս. Աստվածածին եկեղեցու թաղային խորհրդի ատենապետ Ճեմ Չափաքի հետ, ով հստակ տեղեկություններ է տվել Վագըֆ գյուղ տեղափոխված քեսաբահայերի մասին, հաղորդում է Yerakouyn-ը:
Ատենապետը հայտնել է, որ քեսաբահայերը 21 հոգի են, ովքեր տեղափոխվել են երկու միկրոավտոբուսների միջոցով: Տարեց մարդիկ եղել են սարսափահար վիճակում և ծանր հիշողություններով են հեռացել Քեսաբից: Նրանք պատմել են, որ իրենք առանց որևէ դիմադրության բանալիները հանձնել են ահաբեկիչներին, ովքեր թալանել են տները, կոտրել ամեն ինչ և հետո հրդեհի մատնել այդ ամենը: Վագըֆ գյուղի հայ բնակչությունն իր օգնությունն է տրամադրել քեսաբահայերին: Նրանց տրամադրվել է ապաստան, հագուստ և այլ անհրաժեշտ իրեր: Քեսաբահայերը հայտնել են, որ դեռ 20 տարեցներ գտնվում են Քեսաբում:
Հիշեցնենք, որ Կարո Մանճիկյանը Լաթաքիայից ուղիղ հեռարձակմամբ «Ազատություն» ռադիոկայանին տված հարցազրույցում հայտնել էր, որ 20 ծերունիներ Քեսաբից տեղափոխվել են Լաթաքիա: Ստացվում է, որ Քեսաբում այլևս հայ չկա:
http://haynews.am/hy/1396940093
Leave a Reply