Թուրքիայի Աղրը նահանգում ընտրությունները նորից են անցկացվելու

Ներկայիս Թուրքիայի Աղրը նահանգում (Արարատ լեռան շրջակայքը) տեղական ինքնակառավարման մարմինների ընտրությունը նորից է անցկացվելու: Թուրքիայի բարձրագույն ընտրական խորհուրդն ընտրությունները համարել է անվավեր և որոշել նահանգում նորն անցկացնել: Պատճառն արձանագրված խախտումներն էին ու դժգոհությունները: Նոր ընտրություններն անցկացվելու են հունիսի 1-ին:

Նշենք, որ Աղրը նահանգում հիմնական պայքարն իշխող Արդարություն և զարգացում կուսակցության ու քրդական Խաղաղություն և ժողովրդավարություն կուսակցության միջև էր: Աղրը քաղաքի ընտրություններում քրդական կուսակցության ներկայացուցիչ Սըրրը Սաքըքը հաղթել էր 10 ձայնի տարբերությամբ իշխող կուսակցության անդամ Հասան Արսլանը:

Նշենք, որ մարտի 30-ին Թուրքիայում տեղական ինքնակառավարման մարմինների ընտրություններ են անցկացվել։ Ձայների ոչ պաշտոնական հաշվարկով իշխող Արդարություն և զարգացում կուսակցությունը (AKP) ստացել է 45.5, քեմալական Ժողովրդահանրապետական կուսակցությունը (CHP)՝ 27.9, ազգայնամոլական Ազգայնական շարժում կուսակցությունը (MHP)՝ 15.2, քրդական Խաղաղություն և ժողովրդավարություն կուսակցությունը (BDP)՝ 6.3 տոկոս ձայներ։

AllTurkey.am