Սերժ Թանկյանը կոչ է արել պաշտոնական հետաքննություն սկսել Քեսաբի դեմ հարձակման հարցում Թուրքիայի ներգրավվածության վերաբերյալ

Ամերիկահայ հայտնի ռոք երաժիշտ Սերժ Թանկյանը ֆեյսբուքյան իր էջում կոչ է արել սոցկայքի օգտատերերին միանալ իրեն ու խնդրել ԱՄՆ-ի կոնգրեսականներին՝ Սենատի ու Ներկայացուցիչների պալատի հետաքննչական հանձնաժողովներից պահանջել պաշտոնական հետաքննություն սկսել Սիրիայի հայաշատ Քեսաբ ավանի վրա հարձակման առնչությամբ։ Մասնավորապես՝ պարզել Թուրքիայի դերակատարումը Քեսաբ ավանի վրա «Ալ Կաիդա» ահաբեկչական խմբավորման զինյալների հարձակումների իրականացման հարցում։

Հանրահայտ երաժիշտը նշել է, որ այդ գործողությունների հետևանքով Քեսաբից տեղահանվել է 2.000 հայ, որոնք Հայոց ցեղասպանության վերապրածների ժառանգներն են։

Իր գրառման մեջ Թանկյանը տեղադրել է ԱՄՆ-ի Հայ դատի գրասենյակի (ANCA) կայքում գտնվող նյութի հղումը, որում ANCA-ն կոչ է անում ԱՄՆ-ի կառավարությանը պաշտոնական մակարդակով հետաքննել Թուրքիայի ներգրավվածությունը հակահայկական ագրեսիայի իրականացման գործում։

http://www.tert.am/am/news/2014/04/03/tankian/