Թուրքիայում առաջին անգամ կոմունիստը քաղաքապետ է ընտրվել

Թուրքիայի հանրապետության պատմության մեջ առաջին անգամ Կոմունիստական կուսակցության անդամն ընտրվել է քաղաքապետ:

Թուրքական Milliyet-ի փոխանցմամբ՝ ոչ պաշտոնական տվյալներով Թուրքիայի Թունջելի (Դերսիմ-խմբ) նահանգի Օվաջըքի քաղաքապետ է ընտվել Կոմունիստական կուսակցության անդամ 44-ամյա Ֆաթիհ Մեհմեդ Մաչըօղլուն:

Նշվում է, որ նա մինչ այս Թունջելիի պետական հիվանդանցում աշխատել է որպես լաբորանտ:

Հիշեցնենք, որ Թուրքիայում մարտի 30-ին անցկացված ՏԻՄ ընտրությունների ոչ պաշտոնական տվյալներով իշխող Արդարություն եւ զարգացում կուսակցությունը առաջատար է՝ 44,9 տոկոսով, որին հետեւում են Ժողովրդահանրապետական՝ 27,3, Ազգայնական շարժում՝ 18,2 եւ քրդական Խաղաղությւոն եւ ժողովրդավարություն կուսակցությունը՝ 5 տոկոսին մոտ ձայներով:

http://news.am/arm/news/201765.html