Թուրքերի հերթական հորինվածքը. Անիի առաջին բնակիչները եղել են սակ թուրքերը

Թուրքիայում Անին ներկայացվում է որպես մայրաքաղաք, որի առաջին բնակիչները եղել են սակ թուրքերը: Այս մասին լրագրողների հետ հանդիպմանը հայտարարեց Հանրային խորհդի կրոնի, Սփյուռքի և միջագային ինետգրման հանձնաժողովի պատմական–ազգային արժեքների, հուշարձանների պահպանության ենթահանձնաժողովի նախագահ Ժասմեն Ասրյանը:

«Սա նորություն է, նախկինում նման բաներ չէին անում: Դե՝ ամեն անգամ մի բան հորինում են, այս անգամ էլ հորինել են, որ Անիի առաջին բնակիչները սակ թուրքերն են»,-հայտարարեց Ժասմեն Ասրյանը՝ հավելելով. «Անիում էլ գրավոր ներկայացված է, որ այդ քաղաքը հիմնադրել են թուրքերը, ապա այնտեղ բնակվել են և՛ վրացիներ, և՛ ասորիներ, հույներ, նույնիսկ՝ ռուսներ: Հայի մասին ընդհանրապես խոսք չկա»,-ասաց Ժասմեն Ասրյանը:
Նա հավելեց, որ հիմա էլ թուրքերն աշխատում են քաղաքի անվան փոփոխության ուղղությամբ՝ Անին կարող է դառնալ թուրքական Անե:

http://www.tert.am/am/news/2014/03/26/asryan/