Երևանում ապրիլին տեղի կունենա միջազգային գիտաժողով` նվիրված Առաջին աշխարհամարտի 100-րդ տարելիցին: Գիտաժողովը կրում է «Առաջին համաշխարհային պատերազմի Կովկասյան ճակատը: Ցեղասպանություն, փախստականներ և մարդասիրական օգնություն» խորագիր: Այն կազմակերպում է ՀՀ Գիտությունների ազգային ակադեմիայի Հայոց ցեղասպանության թանգարան-ինստիտուտը:
Ինչպես տեղեկացնում են թանգարանից՝ գիտաժողովին կքննարկվեն հնագիտական և ազգագրական հետազոտությունները Հայաստանի տարածքում պատերազմի ընթացքում, հանցագործություն ընդդեմ մարդկության և քաղաքակրթության, ռազմագերիների և անհայտ կորածների կարգավիճակը և ճակատագիրը, պատերազմը և կամավորական շարժումը, մարդասիրական օգնությունը և փախստականները, բարեգործությունը Կովկասյան ռազմաճակատում:
Armenpress.am
Leave a Reply