Թուրքիան պնդում է, որ հարձակումն իր տարածքից չի եղել

Թուրքիայի արտաքին գործերի նախարարությունը հաղորդագրություն է տարածել, որում հերքում է Սիրիայի հայկական Քեսապ ավանի և շրջակա գյուղերի վրա իրականացված հարձակման ժամանակ Թուրքիայի տարածքն օգտագործելու և Թուրքիայի կողմից զինյալներին օժանդակություն ցուցաբերելու մասին պնդումները՝ դրանք որակելով անհիմն և սխալ:

«Մենք գտնում ենք, որ որոշ շրջանակների՝ Քեսապի շրջանում տեղի ունեցող դեպքերի և անցյալի ցավալի իրադարձությունների միջև զուգահեռներ տանելու ջանքերը քաղաքական քարոզչության փորձեր են և դատապարտում ենք դրանք:
Թուրքիան, համաձայն մարդասիրական և բարոյական պատասխանատվության, տեղեկացրել է ՄԱԿ-ի համապատասխան կառույցներին Սիրիայի Քեսապի շրջանի հայերին իր երկրում ընդունելու և նրանց անվտանգությունն ապահովելու պատրաստակամության մասին: Բացի այդ՝ հայ համայնքի ներկայացուցիչները տեղեկացվել են այս հարցի շուրջ պաշտոնական ուղիներով:

Սիրիահայերի, ինչպես նաև մյուս սիրիացիների պահանջները բավարարելու համար անհրաժեշտ քայլեր են ձեռնարկվելու»,-ասված է հայտարարության մեջ»,- ասված է հայտարարության մեջ։

Մարտի 21-ի վաղ առավոտյան սիրիացի ապստամբների զինված խմբավորումները Թուրքիայի կողմից անցել էին սիրիական սահմանը և հարձակվել Քեսապի հայաբնակ շրջանի ու շրջակա գյուղերի վրա: Մարտի 22-ի երեկոյան Քեսապի գյուղերի բնակչությունն ամբողջությամբ արդեն տարհանվել էր Լաթաքիա:                                       

http://civilnet.am/kesab-turkey-mfa-statement/