Քեսաբի տեղահանված հայերի հարցը Հայաստանի ԱԳՆ ուշադրության կենտրոնում է. Տիգրան Բալայան

Սիրիայում հայաբնակ Քեսաբի տեղահանված հայերի հարցն Արտաքին գործերի նախարարության ուշադրության կենտրոնում է: Այս մասին հայտնել է Հայաստանի ԱԳ նախարարության մամուլի քարտուղար Տիգրան Բալայանը:

Նրա խոսքով ՝ այժմ տեղահանվածները գտնվում են Լաթաքիայում: «Մենք փորձում ենք ուղիներ որոնել` նրանց հնարավորինս տարբեր ձեւերով օժանդակություն հասցնելու համար»,- ընդգծել է Տիգրան Բալայանը:

Հիշեցնենք, որ մարտի  21-ի առավոտյան թուրքական տարածքից հայաշատ ու ալավիներով խիտ բնակեցված Լաթակիա նահանգ են ներխուժել զինված գրոհայիններ՝ «Ջեբհատ-ան-Նուսրա» խմբավորումից: Ներկայում կառավարական բանկի ու զինյալների միջեւ կատաղի մարտեր են ընթանում: Նախօրեին Թուրքիան հերթական անգամ ահաբեկիչներին ուղղակի օգնություն էր ցուցաբերել՝ ոչնչացնելով սիրիական ռազմական օդանավը:

Սիրիայի նախագահ Բաշար Ասադը Մեծի Տանն Կիլիկո կաթողիկոս Արամ Ա-ին խոստացել է անել հնարավոր ամեն բան` Քեսաբի հայերին պաշտպանելու համար:

http://news.am/arm/news/200492.html