Թուրքիան վայր է գցել սիրիական կործանիչը

Թուրքական կործանիչները վայր են գցել սիրիական օդուժի ՄիԳ-23 կործանիչը՝ մեղադրելով նրան թուրքական օդային սահմանը հատելու մեջ։

Մարտի 23-ի կեսօրին Սիրիայի զինված ուժերի կործանիչները թռիչքներ են կատարել Քեսաբ ավանի մոտակայքում, երբ օդ են բարձրացվել թուրքական F-16 կործանիչները։ Ըստ թուրքական կողմի՝ սիրիական ինքնաթիռներից մեկը չի հատել Թուրքիայի օդային տարածքը, թեև ընդհուպ մոտեցել է սահմանին, սակայն մյուս ՄիԳ-23-ը մտել է Թուրքիայի տարածք և խորացել 1.5 կմ, ինչի հետևանքով էլ թուրքական կողմը կրակ է բացել սիրիական կործանիչի վրա, որը վայր է ընկել Սիրիայի տարածքում։

Նշենք, որ սա առաջին նմանատիպ դեպքը չէ. 2013-ի սեպտեմբերին Թուրքիայի օդուժը վայր էր գցել սիրիական Մի-17 ուղղաթիռը, որը պատահմամբ էլ մտել թուրքական օդային տարածք, ընդ որում, սպառազինություն չէր կրում։ Հավելենք, որ Թուրքիան թշնամական քաղաքականություն է վարում Բաշար Ասադի դեմ և աջակցում է նրա հակառակորդներին։

http://haynews.am/hy/1395645382