Աբդուլլահ Գյուլը շրջանցել է Twitter-ի արգելքն ու թվիթի միջոցով դատապարտել Էրդողանի որոշումը

Թուրքիայի նախագահ Աբդուլլահ Գյուլը Twitter-ի արգելքի մասին գրառում է կատարել իր միկրոբլոգում, տեղեկացնում է թուրքական Radikal թերթի կայքը։

«Սոցիալական մեդիահարթակն ամբողջությամբ փակելը խորհուրդ չի տրվում։ Բացի այդ, ինչպես և առաջ եմ ասել, Twitter-ը գործում է ողջ աշխարհում և տեխնիկապես հնարավոր էլ չէ այն արգելափակել։ Հուսով եմ՝ այս արգելքը երկար չի տևի»,- գրել է նա։

Պարբերականը փաստում է, որ նախագահ Գյուլը թվիթ անելու համար շրջանցել է օրենքը և սոցիալական ցանց է մտել այլընտրանքային ճանապարհով։

Հիշեցնենք, որ Twitter-ի հիմնադիր Ջեք Դորսին Թուրքիայում սոցցանցի արգելափակումից հետո թուրքերեն հաղորդագրություն է հղել և տեղեկացրել, որ Թուրքիայում Avea և Vodafone բջջային օպերատորների բաժանորդներն այսուհետ 2444 կարճ համարին, իսկ Turkcell-ի բաժանորդները՝ 2555 համարին կարճ հաղորդագրություն ուղարկելով կկարողանան SMS-ների միջոցով օգտագործել Twitter-ը։

http://www.tert.am/am/news/2014/03/21/gul-twitter/