«Slate». Անի. հին հայկական քաղաք-ուրվական

NEWS.am–ը ներկայացնում է գրող Էլլա Մորթոնի հոդվածը, որը հրապարակվել է ամերիկյան «Slate» ամսագրում:

Թուրք-հայկական սահմանին՝ դաշտային ծաղիկների հովիտներում, երբեմնի հզոր քաղաքի ավերակներն են: 11-րդ դարում Անիում բնակվում էր ավելի քան 100 հազար մարդ: Գտնվելով առեւտրական ուղիների վրա՝ քաղաքը 884թ. անկախ պետության՝ Հայկական թագավորության մայրաքաղաք դարձավ:

Անին գրավվեց բյուզանդացիների կողմից 1045թ.: Երկու տասնամյակ անց սելջուկ-թուրքական նվաճողները զավթեցին քաղաքը, սպանեցին կամ ստրկության վաճառեցին նրա բնակիչներին, վաճառեցին այն Շադդադյանների քրդական դինաստիային:

Հարձակումները շարունակվել են 13-րդ դարում, երբ մոնղոլները երկու փորձից հետո գրավեցին քաղաքը: 1319թ. երկրաշարժը մեծ վնաս հասցրեց Անիի` 11-րդ դարի եկեղեցիներին: Քաղաքը փրկվեց, սակայն բնակչության թիվը 17-րդ դարի կեսին փոքրացավ, իսկ 1750 թ. լիովին դատարկվեց:

Այսօր Անին մեծ, բայց ավերված քաղաք-ուրվական է: Թուրքիայի եւ Հայաստանի միջեւ հարաբերությունների լարվածությունը նպաստել է, որպեսզի այն լքված մնա. սա հայկական քաղաք է, բայց գտնվում է Թուրքիայի սահմանում, ինչը խոչընդոտում է դրա վերականգնմանը: Զբոսաշրջիկների համար նկարագրություններում Թուրքիան բաց է թողնում Հայաստանի մասին հիշատակումներն ու ընդգծում քաղաքի վրա թուրքական ու մահմեդական ազդեցությունը:

http://news.am/arm/news/200014.html