«Ստամբուլի հայ ճարտարապետները». առցանց ցուցահանդես

Թուրքիայի Ճարտարապետության թանգարանը վերջերս բացել է Օսմանյան կայսրության ժամանակաշրջանում հայ ճարտարապետների կողմից ստեղծված շինությունների առցանց ցուցահանդես: Նախագիծն, ի թիվս այլ կազմակերպությունների, իրականացնում է «Հրանտ Դինք» հիմնադրամը: 

«Օսմանյան կայսրության ժամանակաշրջանում հայ ճարտարապետները նշանակալի դեր են խաղացել պալատների և պաշտոնական շինությունների կառուցման գործում: Կայսերական ճարտարապետների աշխատակազմում, որը ղեկավարել է նման նախագծերը, մշտապես հայ ճարտարապետներ են եղել»,- գրել է նախագծի համադրող Հասան Քուրույազըջըն և այնուհետև նշել, որ շինություններից որոշները նախագծվել և կառուցվել էին օտարերկրյա (եվրոպացի) ճարտարապետների կողմից, որոնք Ստամբուլ էին եկել կառուցելու իրենց երկրների դեսպանատները և մնացել էին աշխատելու այլ նախագծերի վրա: 

«Պալյան տոհմը ներկայացնող ճարտարապետներն արդեն աշխատում էին պալատի շինարարական նախագծերի վրա: Գրեթե բոլոր մեծ մզկիթները, որոնք պատվիրվել էին սուլթանների կողմից Ստամբուլում, Պալյաններն են կառուցել»,- ասված է հոդվածում: 

«Քանի որ ճարտարապետություն մասնագիտությունն այլևս ժողովրդականություն չէր վայելում oսմանյան հանրության մուսուլմանների շրջանում, Գեղարվեստի դպրոցի բացումից հետո երկար ժամանակ Ճարտարապետության բաժնի ուսանողների մեծ մասը հույն էին կամ հայ»,- նշել է հոդվածի հեղինակը: 

http://civilnet.am/armenian-architects-istanbul-online-exhibition/