Հաթայի նահանգապետն այցելել է Թուրքիայի միակ հայկական գյուղ

Թուրքիայի Հաթայ նահանգի նահանգապետ Ջելալեթթին Լեքեսիզը նահանգի Սամանդաղ գավառի գավառապետ Սուլեյման Օզչաքըջըի և տեղական խորհրդարանի անդամների պատվիրակության հետ այցելել է Հըբըրբեյ և հայկական Վաքըֆլը գյուղերը:

Թուրքական «Անայուրթ» էլեկտրոնային թերթի հաղորդմամբ՝ նահանգապետը պատվիրակության հետ հյուրընկալվել է հայկական Վաքըֆլըի հյուրատանը, որտեղ հանդիպել ու զրուցել է գյուղացիների հետ: Գյուղապետ Պերճ Քարթունի և հայկական համայնքի հիմնադրամի ղեկավար Ջեմ Չափարի հետ ողջույնի արարողություից հետո Հաթայի նահանգապետը խոսել է գյուղի հյուրատան վերականգնման մասին:

Նշենք, որ Վաքըֆլը գյուղը գտնվում է Թուրքիայի ամենահարավային նահանգի՝ Հաթայի Սամանդաղ շրջանում՝ թուրք-սիրիական սահմանի մոտ, Մուսա լեռան ստորոտին: 

Վաքըֆլըն Թուրքիայում պահպանված միակ հայկական գյուղն է: Գյուղում հայերի թիվը կազմում է մոտ 130 մարդ (35 ընտանիք), բնակվում է 1-ական քրդական և թուրքական ընտանիք (2007 թ): 

http://ermenihaber.am/?lang_id=2&news_=7&cur_news=1348