Էրգենեքոնի գործով ազատ արձակումներից հետո ԵՄ-ն հետևում է Թուրքիայի դատական համակարգին

Եվրոպական Միությունը նախազգուշացրել է թուրքական կառավարությանը՝ երկրի դատական համակարգի դրսում և ներսում ընկալման մասին՝ «Էրգենեքոնի» գործով բազմաթիվ կասկածյալների ազատ արձակումից և նախադատական կալանքի ժամկետի կրճատումից հետո, հաղորդում է Today’s Zaman-ը: 

Եվրահանձնաժողովի գրավոր հայտարարության մեջ ասված է, որ կառույցը «ուշադիր» հետևում է Թուրքիայի դատական համակարգի գործունեությանը` Էրգենեքոնի գործով կասկածյալների ազատ արձակումից հետո: Ընդգծելով, որ Թուրքիան պետք է բարելավի երկրի դատական համակարգի անկախությունը, անկողմնակալությունն ու արդյունավետությունը՝ Բրյուսելը նշել է և՛ երկրի ներսում, և՛ դրսում թուրքական դատական համակարգի ընկալման կարևորությունը:  

Եվրամիության ընդլայնման և հարևանության քաղաքականության հարցերով հանձնակատար Շտեֆան Ֆյուլեի խոսնակ Պիտեր Ստանոն, պատասխանելով Թուրքիայում վերջերս ազատ արձակված՝ Մալաթիայում երեք քրիստոնյա քարոզիչների, Հրանտ Դինքի և Պետական խորհրդի դատավոր Մուստաֆա Օզբիլգինի մարդասպանների մասին հարցերին, ասել է. «Թուրքիան պետք է բարելավի երկրի դատական համակարգի անկախությունը, անկողմնակալությունն ու արդյունավետությունը: Թուրքիան պետք է նաև ջանքեր գործադրի՝ լավացնելու համար դատական համակարգի անկողմնակալության ու արդյունավետության մասին ընկալումը երկրի ներսում և դրսում»:

Թուրքիայում պատմական Էրգենեքոնի գործով մի շարք կասկածյալներ անցյալ շաբաթ ազատ արձակվեցին վերջերս ընդունված՝ հատուկ իրավասության դատարանների վերացման և նախադատական կալանքի շրջանը՝ նախքան վերջնական դատավճռի կայացումը, մինչև հինգ տարի կրճատելու մասին օրենքի համաձայն:

http://civilnet.am/eu-following-turkey-judiciary-ergenekon-suspects-release/