Ուրֆայում հայկական գերեզմաններ ու սրբապատկերներ են հայտնաբերվել

Ուրֆայի (ներկայիս Թուրքիայի տարածք) խորհրդանիշ համարվող բերդի ստորոտին հնագետների կողմից իրականացվող պեղումների ընթացքում բազմաթիվ մեծ ու փոքր քարանձավներ են ի հայտ եկել։ Որոշ քարանձավներում հայկական և քրիստոնեական գերեզմաններ, ինչպես նաև Մարիամ Աստվածածնի, Քրիստոսի նկարներն են հայտնաբերվել։

Ինչպես տեղեկացնում է թուրքական Haber3  կայքը, պեղումներին, որոնց կողմնակի անձանց մուտքը չի թույլատրվում, մասնակցում են նաև ասորիները։

Հարակից տարածքների բնակիչները դիմել են ոստիկանություն՝ հայտնելով, որ ասորիները բահերով փորում են տեղանքը։
Դեպքի վայր ժամանած ոստիկանության աշխատակիցները պարզել են, որ նրանք աշխատում են հնագետների գիտությամբ՝ օրավարձով։

http://www.tert.am/am/news/2014/03/17/urfa-armenians/