Հայատյաց արտահայտությունները` թուրքական մամուլի հրապարակումներում

Թուրքիայի Լրագրողների և գրողների հիմնադրամը և «Medialog» պլատֆորմը Ստամբուլի Հեյբելի կղզում կազմակերպել են սեմինար` նվիրված ազատ խոսքի հեռանկարներին, լրատվամիջոցների հրապարակումներում տեղ գտնող հարգալից կամ ատելության խոսքերին: Սեմինարի ավարտին ընդունված հայտարարության մեջ մասնակիցները միահամուռ կարծիք են հայտնել. «Անհրաժեշտ է, որ մեր երկրում (Թուրքիայում) ատելություն սերմանող հանցանքը ենթարկվի իրավական կարգավորման: Բայց պետք է նաև ջանքեր գործադրվեն, որպեսզի օրենսդրական կարգավորումը հանկարծ իր հետ խոչընդոտներ չբերի խոսքի ազատության համար»:

Մասնակիցների թվում է եղել պրոֆեսոր Յասեմին Ինջեօղլուն, ով, վկայակոչելով «Հրանտ Դինք» հիմնադրամի իրականացրած մեդիամոնիթորինգի արդյունքները, նշել է, թե օրինակ 2013-ի հունվար և ապրիլ ամիսներին մեծ չափերի են հասել քրդերին հասցեագրված ատելություն պարունակող վերնագրերը: Իսկ ահա մայիս-հոկտեմբեր ժամանակահատվածի համար թեև զեկույցներ դեռ չկան, բայց պրոֆեսորը ներկայացրել է սեփական դիտարկումները և առանձնացրել հայատյաց բնույթի հետևյալ արտահայտությունները`

խոզի ցեղ հայ

թուրքի թշնամի

հայ խեղկատակ

անպատիվ դավաճան

հայ հրոսակների թոռներ

հայերի բռնություններ

Թաքսիմի գյավուրներ (անհավատներ)

http://ermenihaber.am/?lang_id=2&news_=4&cur_news=1518