Թուրքիայում՝ Վան քաղաքում, մարտի 14-ին տեղի է ունեցել Ադրբեջանի, Թուրքիայի և Իրանի արտգործնախարարների եռակողմ հանդիպումը, հաղորդում է ադրբեջանական ԱՊԱ լրատվական գործակալությունը:
Թուրքիայի արտգործնախարար Ահմեդ Դավութօղլուն հանդիպման ընթացքում ասել է, որ երկրների միջև սահմանները պետք է լինեն ընկերության և եղբայրության սահմաններ: «Սահմանին և մեր սրտերում դռները միշտ բաց են լինելու»,- ընդգծել է արտգործնախարարը:
Այնուհետև արտգործնախարարները քննարկել են համագործակցության վերաբերյալ հարցեր:
Ադրբեջանի, Իրանի և Թուրքիայի արտգործնախարարների առաջին հանդիպումն այս ձևաչափով կայացել էր Իրանի Ուրմիա քաղաքում, իսկ երկրորդը՝ Նախիջևանում։
Ankakh.com
Leave a Reply