1938-ին Դերսիմում տեղի ունեցած կոտորածը եւս ցեղասպանություն էր: Այս մասին Արեւմտահայերի հարցերի ուսումնասիրման կենտրոնում տեղի ունեցած քննարկման ժամանակ հայտարարել է Դերսիմահայերի փոխօգնության ու հավատքի միության նախագահ Միհրան Փրկիչ Գյուլթեկինը:
Ըստ նրա՝ 1915-ի ցեղասպանության ու 1938-ին Դերսիմի կոտորածների հարցերը շատ կարեւոր են: «Կոտորածների միջոցով թուրքական ղեկավարները փորձել են լուծել միաժամանակ հայերի ու ալևիների հարցը, որոնք այն ժամանակ միավորվել էին: Պետությունը ժամանակին մեծ տարբերություն էր դնում ալևիների ու երկրում բնակվող մյուս մահմեդականների միջեւ: Դերսիմի ալևիներին «անհավատ» էին կոչում»,-ընդգծել է Գյուլթեքինը:
Նա նշել է, որ դերսիմահայերը երկու անգամ են ապրել ոչնչացման վտանգը ու մինչ օրս վախենում են իրենց հայեր կոչել: Նա նաեւ վրդովված նշել է, որ Թուրքիայի, այսպես կոչված, պատմաբանները գիտեն ամեն ինչ, բացի Դերսիմի իրադարձություններից:
Leave a Reply