Թուրքիայի ողջ տարածքում, չնայած ոստիկանության կոշտ արձագանքին, Բերքին Էլվանին նվիրված բողոքի ակցիաներ են տեղի ունեցել, և հայերը ևս անմասն չեն մնացել այդ ակցիաներից, տեղեկացնում է «Ակօս» շաբաթաթերթի կայքը։
Մարդկանց փողոց է դուրս բերել 15-ամյա տղայի մահը, ով գլխին հարված էր ստացել անցած ամռանը հակակառավարական ցույցերի ժամանակ և ընկել կոմայի մեջ, իսկ օրերս` մահացել։
Հայ երիտասարդներից բաղկացած «Նոր զարթոնք» նախաձեռնությունը Ստամբուլում տեղի ունեցած ցույցերի ընթացքում հայերենով է նշել, որ Բերքինին չեն մոռանալու։
«Նոր զարթոնք» նախաձեռնության անդամները պատերին գրել են, որ չեն թողնելու մոռանալ Բերքինին։
«Բերքին, քեզի պիտի չմոռցնենք»,-հայերենով և թուրքերենով գրել են հայ երիտասարդները։
15-ամյա տղայի մահը Թուրքիայի տարբեր քաղաքների փողոցներ է դուրս բերել մարդկանց. Ցուցարարների, և ոստիկանության միջև բախումներ են գրանցվել։
Leave a Reply