Պոլսո հայոց պատրիարքի դեմ մահափորձ կազմակերպած Իբրահիմ Շահինն ազատ է արձակվել

Իբրահիմ ՇահինԹուրքիայում Էրգենեքոնի գործով 50 տարվա ազատազրկման դատապարտված` Թուրքիայի հատուկ նշանակության ջոկատի նախկին փոխտնօրեն Իբրահիմ Շահինն ազատ է արձակվել։

Թուրքիայում վարչապետ Ռեջեփ Թայիփ Էրդողանի եւ Գյուլենի հասարակական-կրոնական շարժման առաջնորդ Ֆեթուլլահ Գյուլենի միջեւ ծայր առած հակասությունների համատեքստում դատական համակարգի կարեւոր պաշտոններից գյուլենականներին հեռացնելուց հետո իշխանություններն սկսել են ազատ արձակել Էրգենեքոնի գործով դատապարտվածներին։

Ազատ արձակվածների մեջ է նաեւ Թուրքիայի հատուկ նշանակության ջոկատի նախկին փոխտնօրեն Իբրահիմ Շահինը, ում տան խուզարկության ժամանակ հայտնաբերել էին փաստաթղթեր, ըստ որոնց` Շահինը Պոլսո հայոց պատրիարք, արք. Մեսրոպ Մութաֆյանի եւ Սվասի հայերի միության առաջնորդ Մինաս Դուրմազգյուլերի դեմ մահափորձ է նախապատրաստել։

2013 թ. օգոստոսի 5-ին Ստամբուլի ծանր հանցագործությունների գործերով 13-րդ դատարանն ապացուցված էր համարել Իբրահիմ Շահինի դեմ մեղադրանքները եւ դատապարտել նրան 49 տարի 4 ամիս ազատազրկման։

http://news.am/arm/news/198401.html

Leave a Reply

Your email address will not be published. Required fields are marked *

Վերջին Յաւելումներ

Հետեւեցէ՛ք մեզի

Օրացոյց

March 2014
M T W T F S S
 12
3456789
10111213141516
17181920212223
24252627282930
31  

Արխիւ