Թուրքիայի ոստիկանությունը հատուկ միջոցներ է կիրառել Անկարայում և Ստամբուլում ցուցարարներին ցրելու համար

Թուրքիայի մի շարք քաղաքներում հակակառավարական ցույցեր են անցկացվում՝ կապված 15-ամյա Բերքին Էլվանի մահվան հետ, ով անցյալ տարվա ամռանը գլխից վիրավորվել էր ոստիկանների կողմից նետված գազային ռումբի հետևանքով՝ Գեզի այգու վերակառուցման դեմ ընթացող ցույցերի ժամանակ:

Ինչպես հայտնում է ИТАР-ТАСС–ը՝ վերջինս կոմայի մեջ է եղել 268 օր՝ գտնվելով Ստամբուլի հիվանդանոցում: Բժիշկները հայտնել են նրա մահվան մասին: Պատանու հուղարկավորությունը տեղի կունենա չորեքշաբթի:
Ստամբուլում Էլվանի հիշատակին նվիրված բողոքի ցույցն սկսվել է ցերեկվա ժամերին՝ Մերձարևելյան տեխնիկական համալսարանի մուտքի մոտ, որտեղ շուրջ 200 երիտասարդներ փակել են ավտոմայրուղին: Ի պատասխան ցուցարարների գործողությունների՝ ոստիկանությունն արցունքաբեր գազ և ջրցան մեքենաներ է կիրառել:
Երեկոյան հարյուրավոր ցուցարարներ հավաքվել են Քըզըլայ հրապարակում՝ կառավարության և այլ պետական հաստատությունների շենքերի մոտ: Երբ հավաքվածները հրաժարվել են հեռանալ հրապարակից, ոստիկանները նրանց ուղղությամբ գազային ռումբեր են նետել և սկսել են ցրել նրանց ջրցան մեքենաների միջոցով:

http://www.tert.am/am/news/2014/03/12/istambul-manifestation/