Թուրքիայում Էրգենեքոնի գործով 20 կալանավոր է ազատ արձակվել

Ստամբուլի դատական իշխանությունները երեկ ազատ են արձակել Էրգենեքոն անվանումն ստացած պետական հեղաշրջման փորձի համար դատապարտված ևս 20 մարդու։

Ինչպես տեղեկացնում է «Հյուրրիյեթ» թերթի կայքը, նրանց թվում են զինվորականներ, գրողներ, հրատարակիչներ, փաստաբան Քեմալ Քերինչսիզը, լրագրող Թունջայ Օզքանը, Յալչըն Քյուչուքը, պաշտոնաթող զինվորականներ Լևենթ Գյոքթաշը, Դուրսուն Չիչեքը, Սեդաթ Բեքերը, Իբրահիմ Յալչընը, Դողու Փերինչեքը, այլք։
Ազատ արձակվածներից շատերը դատապարտված են եղել ցմահ ազատազրկման։

Մարտի 7-ին Ստամբուլի ծանր հանցագործությունների դատարանն ազատ էր արձակել Թուրքիայի զինված ուժերի գլխավոր շտաբի նախկին պետ, գեներալ Իլքեր Բաշբուղին, որն Էրգենեքոնի գործով ցմահ ազատազրկման դատապարտվածների թվում էր։

http://www.tert.am/am/news/2014/03/11/ergenekon/