Շվեյցարացի պաշտոնյան կասկածի տակ է դնում Հայոց ցեղասպանության փաստը. նրա հայտարարությունը համարում են անպատասխանատու

Շվեյցարացի պաշտոնյաՇվեյցարիաՀայաստան միավորման պատվավոր նախագահ Սարգիս Շահինյանն անպատասխանատու է անվանել շվեյցարական Վալե կանտոնի պետական խորհրդի անդամ Օսկար Ֆրեյզինգերի հայտարարությունը Հայոց ցեղասպանության վերաբերյալ: Այդ մասին գրում է շվեյցարական «Le Matin»-ը:

Թուրքական «Aydınlık» թերթին տված հարցազրույցում նա նշել է. «Միգուցե եղել է, միգուցե՝ ոչ: Այս հարցը պետք է բացահայտորեն քննարկվի»: Բացի այդ նա դեմ է հանդես գալիս, որպեսզի Հայոց ցեղասպանության թեման դասավանդվի դպրոցում, քանի որ պատմաբանները համաձայնության չեն եկել: Թվում է` պաշտոնյան փոխել է կարծիքն այս հարցի վերաբերյալ, քանի որ 2003թ. մեկն էր, ով ստորագրեց հայերի ցեղասպանության ճանաչման միջնորդագրի ներքո:

Օսկար Ֆրեյզինգերը հարցազրույց է տվել թուրք ազգայնական Դողու Փերինչեքի գործով Մարդու իրավունքների եվրոպական դատարանի որոշման շրջանակներում: Հարցազրույցում շվեյցարացի պաշտոնյան ողջունում է ստրասբուգյան դատարանի որոշումը:

Սարգիս Շահինյանի խոսքով՝ «Aydınlık»-ը Թուրքիայի Աշխատավորական կուսակցության թերթն է: Շվեյցարիա-Հայաստան միավորման պատվավոր նախագահը համարում է, որ այս կերպ Օսկար Ֆրեյզինգերը վտանգում է իր հեղինակությունը: «Այս հարցի կապակցությամբ նա անպատասխանատու վարքագիծ է դրսեւորում ու ստորացնում Շվեյցարիայի քաղաքականության արժանիքները»,- նշել է Սարգիս Շահինյանը:

Հիշեցնենք, որ Մարդու իրավունքների եվրոպական դատարանը բավարարել էր  հակահայ թուրք գործիչ Դողու Փերինչեքի հայցը Շվեյցարիայի դեմ՝ իր վճիռը հիմնավորելով խոսքի ազատությամբ: Թուրքիայի բանվորական կուսակցության նախագահ Դողու Փերինչեքը 2008թ. Շվեյցարիայում դատապարտվել էր Հայոց ցեղասպանությունը հրապարակայնորեն հերքելու համար:

http://news.am/arm/news/197709.html

Leave a Reply

Your email address will not be published. Required fields are marked *

Վերջին Յաւելումներ

Հետեւեցէ՛ք մեզի

Օրացոյց

March 2014
M T W T F S S
 12
3456789
10111213141516
17181920212223
24252627282930
31  

Արխիւ