Գյուլենական դպրոցներն Ադրբեջանում ազգայնացրել են. թուրքական լրատվամիջոցներ

Թուրքական լրատվամիջոցները տեղեկություն են տարածում, թե Ադրբեջանում որոշել են ազգայնացնել գյուլենական կրթական կառույցները։

Թուրքական «Դունյա բյուլթենի» լրատվակայքի փոխանցմամբ՝ ադրբեջանական իշխանություններն ազգայնացրել են Գյուլենի համայնքին պատկանող 10 դպրոց, 1 համալսարան և 13 կրթական կենտրոն, որոնք աշակերտներին նախապատրաստում էին ընդունելության քննություններին (դերսհանեներ)։ Գյուլենական շարժմանը պատկանող կրթական օջախները կցվել են ադրբեջանական ՍՈԿԱՐ (SOCAR) նավթային ընկերությանը պատկանող «Ադրբեջանի միջազգային կրթական կենտրոնին»։

ՍՈԿԱՐ-ի փոխնախագահ Հալիք Մամեդովը հաստատել է տեղեկությունը՝ նշելով, որ այս կերպ իրենք փորձում են բարձրացնել Ադրբեջանում կրթության մակարդակը։ Գյուլենական շարժմանն է պատկանում Բաքվում գտնվող Կովկասի համալսարանը, որն էլ ազգայնացվել է։

Նշենք, որ Ֆեթհուլլահ Գյուլենը, ով իր ազգանունը կրող շարժման հիմնադիրն ու առաջնորդն է, ներկայում լուրջ տարաձայնություններ ունի Թուրքիայի վարչապետ Թայիփ Էրդողանի հետ։

AllTurkey.am