«Ակօսի» խմբագիր Ռոբեր Քոփթաշը տուգանվել է թուրքական կուսակցությանը վիրավորելու պատճառով

Թուրքական դատարանը հայերեն և թուրքերեն հրատարակվող  «Ակօս» շաբաթաթերթի գլխավոր խմբագիր Ռոբեր Քոփթաշին մեղավոր է ճանաչել թուրքական Աշխատավորական կուսակցությանը (ԱԿ-İP) վիրավորելու համար: Դատարանը Քոփթաշին պատժել է 3000 թուրքական լիրա տուգանքով:

2011 թվականի օգոստոսի 26-ին «Ակօս» շաբաթաթերթում Քոփթաշը հոդված էր հրապարակել, որը վերաբերում էր Աշխատավորական կուսակցությանը: Նշյալ կուսակցությունը դատարան հայց էր ներկայացրել ընդդեմ Քոփթաշի՝ պահանջելով բարոյական վնասների փոխհատուցում:

«Ակօս» շաբաթաթերթի տեղեկացմամբ՝ Քոփթաշի փաստաբան Հաքան Բաքըրջըօղլուն հայտնել է, որ մարտի 4-ին դատարանի կայացրած որոշումը բողոքարկվելու է:

http://ermenihaber.am/?lang_id=2&news_=9&cur_news=429