Պոլսահայ մտավորականը քնում է բանտի հատակին և լոգանք ընդունելու հնարավորություն չունի

Սևան ՆշանյանԻզմիրի Շիրինջե բնակավայրում իրեն պատկանող հողատարածքում ապօրինի շինություն կառուցելու պատճառով 2 տարվա ազատազրկման դատապարտված Սևան Նշանյանին Բուջայի խիստ ռեժիմի բանտում «քարե անկողին» են տվել և թույլ չեն տալիս լոգանք ընդունել, տեղեկացնում է թուրքական «Ռադիկալ» թերթի կայքը։

Մոտ մեկ շաբաթ առաջ հապշտապ Թորբալըի բաց բանտից Իզմիրի խիստ ռեժիմով բանտ տեղափոխված հայ գրող, լրագրող Սևան Նշանյանին, արդեն մի քանի օր է, «անկողին չունենալու» պատճառաբանությամբ պառկեցնում են գետնին՝ քարե հատակին։

Համաձայն տարածված տեղեկատվության՝ նրան անգամ թույլ չեն տալիս լոգանք ընդունել։

Սևան Նշանյանը 2014թ. հունվարի 2-ին ինքնակամ հանձնվել էր և տեղափոխվել Թորբալըի բաց բանտ, սակայն բացահայտել էր բանտապահի գողության դեպքն ու այդ մասին նյութ հրապարակել իր բլոգում։ Դրանից հետո նրան պատժել էին՝ ուղարկելով ավելի խիստ ռեժիմի բանտ։

Նշանյանի հարազատներն ու համախոհներն այժմ պայքարում են այդ որոշման դեմ՝ այն անօրինական համարելով։

http://www.tert.am/am/news/2014/03/06/nishanyan-prison/

Leave a Reply

Your email address will not be published. Required fields are marked *

Վերջին Յաւելումներ

Հետեւեցէ՛ք մեզի

Օրացոյց

March 2014
M T W T F S S
 12
3456789
10111213141516
17181920212223
24252627282930
31  

Արխիւ