Ղրիմի թաթարները Ռուսաստանի դեմ ցույցեր են արել Թուրքիայում

Թուրքիայում բնակվող Ղրիմի թաթարները բողոքի ակցիա են անցկացրել Անկարայում Ռուսաստանի դեսպանատան դիմաց, տեղեկացնում են թուրքական լրատվամիջոցները։ Դեսպանատան դիմաց հավաքվել է հազարից ավել մարդ։

Նախ Ռուսաստանին քննադատող ելույթներով հանդես են եկել Թուրքիայում Ղրիմի թաթարների համայնքի ներկայացուցիչները, ապա ակցիայի մասնակիցները սև ծաղկեպսակ են դրել Ռուսաստանի դեսպանատան դիմաց։

Թեև ցույցը հսկող մեծաքանակ ոստիկանները փորձել են խանգարել, սակայն հավաքվածներից հաջողվել է դեսպանատան դիմաց դնել ծաղկեպսակը։

Ցուցարարները բղավել են «Անկախ, անբաժան, ժողովրդավար Ուկրաինա», «Թուրքիա, ձայն տուր Ղրիմին», «Ղրիմը չի հանձնվի Ռուսաստանին», ինչպես նաև պարզել են պաստառներ, որոնց վրա գրված է, թե Ղրիմը թյուրքական տարածք է։

AllTurkey.am