Մենք առաջինը կշտապենք Ղրիմ, որտեղ մեր նախնիների թողած մասունքներն են. Դավութօղլու

Ղրիմի իրադարձություններով պայմանավորված՝ Թուրքիայի արտգործնախարարությունում արտակարգ հանդիպում է տեղի ունեցել, տեղեկացնում է թուրքական TRT Haber-ի ռուսական ծառայությունը։

Թուրքիայի արտգործնախարար Ահմեթ Դավութօղլուն, դիմելով Ղրիմի բնակիչներին, ասել է. «Թող ձեզ մոտ անգամ հարց չառաջանա այն մասին, որ մենք իրադարձություններից դուրս կմնանք։ Մենք առաջինը կշտապենք մեր եղբայրներին օգնության, որոնք դժվարության մեջ են հայտնվել»,-ասել է նա։

Ահմեթ Դավութօղլուն հանդիպել է Անկարայում ղրիմցիների ներկայացուցիչների հետ։

Կարևորելով միասնականության պահպանումն ու քաղաքացիների իրավունքների պաշտպանությունը՝ Դավութօղլուն ասել է. «Մենք առաջինը կշտապենք Ղրիմին օգնության. մասունքներ, որոնք թողել են մեր նախնիները»։

Նախարարը նշել է, որ վարչապետ Էրդողանը հանձնարարել է անհրաժեշտ միջոցառումներ ձեռնարկել։

http://www.tert.am/am/news/2014/03/04/davutoglu-crimea/